　新闻中心　 足球比分　完场比分　近期赛程　足球指数　资料库　足球图库　足球视频

中場鬧兵荒變冇牙老虎紅魔咬唔入樸茅

2008年08月25日 08:08 来源：互联网

　　好戲在後頭，英超次輪重頭戲樸茨茅夫主場鬥曼聯留今晚同大家解悶，雖然話「紅魔鬼」有泰維斯同路爾斯安達臣兩個歸隊，但大鬧中場荒勢必影響到前線火力，我擔心佢未必攻得入樸茅個後防，尤其係樸茅上仗畀車仔大炒完，今次應該學精。曼聯讓波，捧樸茅「讓球主勝」啦！（now632台周二凌晨3：00直播）

　　雖然話係啱啱開季，但呢兩班波今次已經係新球季第三次碰頭，之前尼日利亞踢表演賽，曼聯齊腳小勝樸茅二比一，到前兩個星期社區盾，踢足全場都係零比零，除話樸茅表現有進步之外，曼聯人腳短缺都會係個關鍵。

　　安達臣歸隊都唔掂

　　唔係講笑，曼聯家陣個十字軍營除有超級球星基斯坦奴朗拿度坐鎮之外，新近加入仲有卡域克同傑斯，雖然話傑斯應該趕及傷愈復出，但復操兩個長期傷兵夏格維斯同朴智星都話趕唔切今仗，最慘係佢個個都係踢中場，就算路爾斯安達臣剛由北京踢完奧運歸隊，都幫唔到幾多，何況仲有個拿尼要繼續坐波監。

　　消息話通天老倌奧沙今仗又會推上打防中，路爾斯安達臣都只係踢住後備先。前線好少少，搞掂家事之後歸隊泰維斯會復出，前線拍住朗尼，不過老實講，中場冇供應，前鋒幾勁都係死，淨係睇佢上仗主場都贏唔到紐卡素就知。

　　樸茅呢邊，卡蘭積卡受傷會影響前場組織力，但狄亞拉、李察曉士同桑戴維斯都及時傷愈，會畀到領隊夏利列納更多選擇，至少唔驚冇兵用。最重要係，上仗開鑼戰吞車仔四蛋，今場防線點都會打醒十二分精神，肯守自然唔難搶到分啦，2倍「讓球主勝」好路呀！

[关闭窗口]

　粤ICP备07018876号

中場鬧兵荒變冇牙老虎 紅魔咬唔入樸茅

中場鬧兵荒變冇牙老虎紅魔咬唔入樸茅